يقدم مطعم ويتر مجموعة لذيذة من الأطعمة رائعة المذاق المصنوعة من مكونات عالية الجودة في بيئة نظيفة ومريحة وغير رسمية. إنه يقدم خدمة عالية الجودة من خلال حسن الضيافة وقائمة مبتكرة من الأطعمة بأسعار معقولة ليستمتع بها الجميع مطعم ويتر للوجبات السريعة أن المذاق الطازج أفضل ، ولهذا السبب يتم تحضير جميع السلطات طازجة كل يوم باستخدام مكونات من مصادر محلية مثل الخس والطماطم والخبز . يتم تسخين برجر لحم البقر الأسترالي الحلال والدجاج بنسبة 100٪ من مطعم ويتر فقط بعد أن يقدم العملاء طلبًا وتكون جميع من البرجر وغيره من الماكولات والمشروبات
منيو مطعم ويتر
- 0580569734
- يوميا من الساعة 12 ظهرا وحتى الساعة 12 منتصف الليل
أول تجربة لي. مطعم صغير يقوم عليه اصحابه يقدمون برجر و ساندويشات مختلفة. التعامل كان لطيف جدا و اشكر لهم هذا الشيء. برجر اللحم كان جيد و مكوناته متجانسة نوعا ما.. الخبز ربما يحتاج تضبيط ليصبح أفضل وهالشي مو معناته انه سيء بالعكس كان لذيذ لكن ثقيل شوي. برجر الدجاج اغلب الناس تمدحه لكن بالنسبة لي لم يوفقوا فيه مقارنة ب برجر اللحم. اولا اللحوم والدجاج جميعها طازجة (على ذمة صاحب المحل) و انا أاكد على اللحم انه طازج و الطعم واضح. الدجاج المقلي لم يكون جيد لعدة أسباب.. سماكة قطعة الدجاج نفسها كانت نحيفة. سماكة الطبقة البريد للدجاج كانت سميكة جدا و معطيه الدجاج حجم كبير و طعم الطحين واضح فيها و مش مقرمشة ابدا. هذي ملاحظة لغرض التطوير فقط .. و انا كلي ثقة أن اصحاب المحل لديهم من المهنية والاحترافية مايكفي للتعامل مع تجربة الزبون وتقبلها. الباربكيو توست جربته وكان جميل لكن عجزت اعرف الطبقة الي فوق الدجاج. عالاغلب هي جبن مدخن لكن اتمنى التوضيح لانه كان لذيذ للأمانة. الفرايز يحتاجو يشتغلو عليه اكثر في الفترة القادمة. بشكل عام .. تجربة كانت جميلة جدا و اتمنى التوفيق لهم و مؤكدا سأكرر الزيارة لتجربة اطباق أخرى. 👍🏻🌷
شاب وزوجته هم الي يعملون ولا يوجد موظفين معهم يستحقون الاشاده والدعم اكلهم مميز البرقر اللحم ممتاز وكذالك فيه ساندوش دجاج في التوست نكهه ايطالي ممتاز اسعارهم معقوله جدا ملاحظتي على البطاطس ممكن يشوفون نوع افضل وكذالك يقدمون معه سلطه كولسلو اعتقد غير مناسبه السلطه لو تستبدل بصوص خاص. فيهم ينعمل بشكل يومي افضل اتمنى لهم التوفيق والنجاح وان يفتحوا فرع في مكان مميز قريبا ان شاء الله
السلام عليكم.. مساء الخير
سبب زيارتي لهذا المطعم الجميل كانت بسبب الثناء عليه في تغريدة في تويتر، وللأمانة بدون مجاملات بعد تجربتي كان الأكل لذيذ جداً مقارنة بمطاعم البرقر، اللحم طازج ومطبوخ بعناية وتوازن والخبر المقدم طرئ ومتجانس مع اللحمه والصوص كانت التركيبه جداً مميزة أضافة للأكل طعم خرافي
أتمنى كل التوفيق والسداد للشاب السعودي وزوجته القائمين بأنفسهم على هذا العمل وعقبال مانشوف توسع وسلسلة مطاعم ويتر على مستوى الرياض
أنتم مثال للتعاون والنجاح بإذن الله (ستتكرر الزيارة)
ماشاءلله تبارك الله انا مصدوووووووم حرفيا من مكان المطعم مختفي بشارع كله فنادق وشقق .
والطعم والجودة في الحوم الطازجة والاسعار الخورافية مقارنه بالطعم الرائع والجودة يشهد الله علي انه من افضل مطاعم البرقر في الرياض واقارنه باغلاهم وافضلهم انا جربت مطاعم عديده مثل (برجر بوتيك، قيك برجر ، سكشن برجر ، i برجر ، B برجر ، ) واكثر
والله يشهد علي انه اذا مو افضل منهم فانه موازي لمستواهم بل افضل وسعر الوجبة عندهم 30 ريال برجر وبطاطس وببسي وصوص السعر يصدم يا جماعة مقارنه بالطعم والحجم الي بينصدم يجرب ويحكم بنفسه 👍
طبعا انا جربت برجر الحم والمره الجايه بجرب الدجاج وبجرب المنيو كامل باذن الله لانهم يستحقون التجربة
وترا طاقم العمل شاب سعودي محترم وخلوق ومعه زوجته الله يسعدهم يستاهلون كل التوفيق وقليل بحقهم الي كتبته ولي بيجرب بيعرف معنى كلامي
أتمنى يتوسعون ويكبرون في مشروعهم لانهم يستحقون
انصح بتجربة المطعم تم اخذ عرض بوكس ٤ لحم ٢ دجاج الصراحه والله يشهد على كلامي ألذ وأطعم برجر جربته في حياتي بايقارع المطاعم المشهوره بالبرجر وقول افضل منهم لاني جربت اكثر من مطعم برجر ومن عشاق البرجر .
يكفك ان الطاقم سعودي والي يصلح سعودي واللحم على كلام صاحبه لحم مبرد وليس مجمد . اشكر صاحب المطعم على البوكس اللذيذ. تحياتي اول مشكورين جدا اصحاب المحل على الشغل الممتاز والله يقويهم وويرزقهم اضعاف اضعاف اخذت من عندهم برقر الكامبو اللحم شي ممتاز ومتعوب عليه مو مجامله ابدا الصوص والخبز شي فاخر صدقا بس البطاطس الي فوقه خلطه حلو بس انا متاكد انهم بيطورونه ويسير افضل من الحين
تستاهل خمس نجوم واللحم الجديد رهيييب مرهه واعجبني اني اشوف شاب سعودي وزوجته يشتغلون مع بعض
ولكن عندي كم ملاحظة البطاطس مع الصوص والدجاج الصوص فيه شوي يعني يادوب بس الطبقه الي فوق والدجاج كذالك
طلباتي كانت
1/بوكس ويتر كومبو تشكن وكان رهيب مرهه القرمشه الخارجية حلوه وطراوه التشكن من دخل مره رهيبه ولكن كانت بتكون احلا لو زودتو الصوص فيها
2/بوكس ويتر كومبو لحم وكاان اكثر من رهيب وماعندي اي تعليق عليه غير اشكركم مرهه
3/كومبو التوست رهيب والاجبان فيها حلوه وتحس بطعم كل شي فيه والدجاج فيه رهيب مره
4/بطاطس ويتر حلوو مره
مجملاً المطعم رهيب والقأمين عليه رهيبين والله يوفقكم وعقبال مانشوف سلسلة مطاعم ويتر
التشكن فرايز خورافي صراحة والكرسبي تشن واللحم بعد لذيذين. المطعم صغير وجلساته بسيطة لكنه لذيذ والاكل نظيف مره والبرزنتيشن جداً ممتاز. واللي يشتغلون فيه ويشرفون عليه اصحاب المحل بنفسهم، لطيفين جداً في تعاملهم وفيهم حماس وطاقة ايجابية جميلة
يشهد الله علي ما أعرف صاحب المطعم لكن الشي الجميل لازم نقوله عنه جميل ونمدحه..اخذت تو من عندهم دبل برقر لحم وبطاطس مع صوصات وقسم لذه بكل لقمه اكلتها وكريمين بالصوص والبرجر معبي صوص ولذيذ جداً ولو أنه قريب مني كان كل يوم وانا عندهم