U3F1ZWV6ZTM3MTAxNTE3ODgxX0FjdGl2YXRpb240MjAzMDkwMDg1OTU=
recent
أخبار ساخنة

منيو ذا تشيزكيك فاكتوري مع الاسعار لجميع فروع السعودية

 أنشأ ذا تشيزكيك فاكتوري قسم الطعام غير الرسمي الراقي في عام 1978 مع افتتاح أول مطعم له في بيفرلي هيلز ، كاليفورنيا والآن حتى مع أكثر من 200 موقع ، تعد مطاعم ذا تشيزكيك فاكتوري فريدة من نوعها اليوم كما كانت في ذلك الوقت!

منيو ذا تشيزكيك فاكتوري مع الاسعار لجميع فروع السعودية

امش عبر الأبواب الأمامية لـ ذا تشيزكيك فاكتوري وستعرف أنك في مكان مميز. مع أرضيات مستوردة من الحجر الجيري وأعمدة خشبية مخصصة وجداريات مرسومة يدويًا وإضاءة حديثة ، فإن الديكور الفخم هو مجرد البداية.

منيو ذا تشيزكيك فاكتوري

تضم قائمة تشيزكيك فاكتوري أكثر من 250 اختيارًا طازجًا من الصفر يوميًا في كل مطعم بما في ذلك الأطباق الصغيرة والوجبات الخفيفة والمقبلات والباستا والأسماك والمأكولات البحرية وشرائح اللحم والسلطات والسندويتشات والبيتزا وقائمة SkinnyLicious ™ منخفضة السعرات الحرارية. يتميز ذا تشيزكيك فاكتوري أيضًا بأطباق متخصصة مثل Cajun Jambalaya Pasta و Chicken Madeira و Luau Salad


ارقام التواصل بـ ذا تشيزكيك فاكتوري
  • فرع ذا تشيزكيك فاكتوري لو مول جدة / 0122617001
  • فرع ذا تشيزكيك فاكتوري مجمع سدرة الرياض / 0125203511
  • فرع ذا تشيزكيك فاكتوري الرياض بارك - الرياض / 0115200490
  • فرع ذا تشيزكيك فاكتوري اجدان ووك الخبر / 0138928701
بعض الاراء الايجابية عن ذا تشيزكيك فاكتوري:
جميل جدا المطعم من خدمه واكل ، اسعاره مرتفعة ولاكن تجربه جميلة ، انصح بالناتشوز وكرات الجبنه والبيتزا وسلايدرز  و رب اي ستيك لمحبين الاستيك ، الربيان غير جيد وممكن يكون افضل بكثير   واهم حاجه لاتفوتوها التشيز كيك خرافي . 

٨ اشخاص طلعة الفاتوره حول ١٠٠٠ ويعتبر سعر جيد مقارنه بالعدد والاكل كان مشاركة .

 تجربة جميلة جدا الحمدلله صح ارتفاع الاسعار فلكي شوي لكن طازج ولا يوجد شي بايت المهم ان التجربة نالت اعجابي الصحن يكفي شخصين عدا البرجر صح كبير بس احس المشاركة فيه صعبة ولكن بقية الطلبات صحونهم كبيرة اخذت منهم دجاج وروبيان بصوص الاناناس رووعة و اخذت برجر بالمكرونة امريكي بالجبنة جميل وأيضا اخذت شوربة بطاطا و سلط خرافية وجميلة فيها خل البلسمك مميز 👍🏼

 من اجمل المطاعم اللي اتعنى لها الى جده كل شي فيه جميل والاجمل انك تستمتع بالاكل عندهم فعلا ما تندم ولا على اي ريال دفعته.

نصيحتي للي اول مره يروح انتبه الاطباق كبيره وتكفي لشخصين بالراحه يعني لا تكثر طلبات وبعدين ما تقدر تكمل والسعر بيكون مكلف عليك.

اجمل تشيز كيك عندهم كنت اطلبه من ايام دبي تيشز كيك توت العليق بالشكلاته البيضاء يفوز عالميا ولا يعلا عليه جدا جميييييل .

السلمون بصوص الليمون يا لطيف من الاخر صراحه البرقر الامريكي خرافه ولكن كبير يكفي لشخصين بالراحه.

كرات المكرونه مهما اشوف المطاعم الثانيه تقلد تشيز كيك فاكتوري الا انها افضل كرات مكرونه ممكن تجربها بحياتك عندهم.

وشكرا لكم 

 مطعم راقي جدا 

يهتم برضا العملاء ويضعها أول أولوياته كما يتضح من تعاملهم مع عملائهم.. بشوشين سريعين الخدمة .. يخدموا قبل تطلب .. 

كديكور يعتبر متكامل وجميل جداً ادق التفاصيل عندهم جميلة ... ولكن مزدحم وازعاج.. كميات الاطباق كبيرة جدا الطبق يكفي لثلاث اشخاص تقريبا.. اسعارهم تعتبر غاليه .. يفضل تحجز طارلة قبل الدهاب.. اغلب العاملين يتكلمون انجليزي يصعب التعامل معهم اذا لم يكن لديك لغة

 مطعم أمريكي من المطاعم المفضلة لدي حيث الجوده والطعم والكمية للناس الاكيله الطبق كبير ويشبع 🍔والناس الي اكلها ضعيف وجبه الاطفال تشبعه أو يتشارك مع شخص زيه من الأطباق الرئيسية 🍔🥩🥓لانها مليانه ماشاء الله 😋

بالنسبة لطاقم العمل جدا متعاون وخدوم ومبتسم ويضع راحه العميل بالدرجة الأولى. واخص بالذكر مدير المطعم استاذ وليد الله يوفقه كان يتابعنا بنفسه  ويسال عن رضانا بالخدمة والأكل مجهود يشكر عليه 👏🏻👏🏻👏🏻 

المكان جميل ديكورته رائعه سواء صباحا او مساء  نظافه عاليه جدا ماشاء الله 

بالنسبه للحلى 🍰🎂 رائع جدا ودسم جدا قطعه وحده تكفي المجموعه كامله طبعا حتكونوا شبعته من أكله اللذيذ الذي لايوصف  انصح الكل بتجربته والي ماجربه فاته كثيرررر 

 مطعم فخم بشكل عصري أمريكي ديكور يوحي لك بأفلام هوليود الأسعار من جيد جدا الا غالي الببسي ب٢٢ ريال يعتبر مطعم غالي ذا كلامي عشان تعبو جيبكم 😁🙆المهم الاكل لذيذ جدا والأهم من ذا كله التشيز كيك 🥧 لا يعلى عليه ألذ تشيز كيك ذقته عندهم بصراحه خيالي دسم ولاكن رائع اخذت أوريو وكان مبكي من اللذه وبناتي اخذو فالفيت فيه مكرونه سبايسي شكلها فراشه مو لذيذه تبكي من اللذه خطيره جدا ما اعرف نسيت اسمها وخذنا همبرجر مع بطاطس ممتاز عموما الاكل مشبع يعني وجبه تكفى احنا زدنا المكرونه عشان الكل يمدحها وفعلا كانت تستحق بجداره ٥ نجوم واخذنا سلطه سيزر لذيذه ولاكن الخل كان كثير الي ما يحب ممكن يقلهم يقللو المهم المكان وكله خيالي انصحكم تروحو له 👍✋🤗 ملاحظه اتوقع ما يوجد مكان لالعاب الأطفال اتأكدو أفضل وكمان بصراحه المنيو يدوخ من كثر  الأصناف الي تقريبا اختلافات بسيطه بينهم الجارسونات ممتازين ومنهم كثير يتكلم عربي المكان واسع في أكثر من شكل للجلسات الخدمه سريعه عندهم اعاده التعبئه للمشروبات😁👍

 مطعمي المفضل و القائمة جدا خياراتها متنوعة من مقبلات  و مشروبات واصناف رئيسي و حلا و قهوة يرضي جميع الاذواق بالنسبة للجلسات مطعم عائلي و واسع اطباقي المفضلة السلطات: توستادا ، لولوا ، جواكمولي افودكاو . و الباستا: لويزيانا ، بيلاجو . الستيك كمان رائع ورود سلايدرذ  و كمان little cajun chicken 🍗 اما الحلا اوريو تشيز كيك، وايت تشوكليت رازبيري ترفل  و كل شي لذيذ و يحير و العيش الاسمر عندهم ادمان مافي مكان ينافسه والعصيرات السموذي مره لذيذة 

حتى الطلبات الخارجية الصراحة مرتبة كأنك تاكل في المطعم

الحلو كمان تصميم الجلسات تشوف اغلب الناس حاولينك فتحس بتغيير جو عكس بقية المطاعم في نفس المبنى اكلها رائع لكم الجلسات تجيب كآبة

 يجنننننن كل شيء فيه يفتح النفس اول شيء ما انتظرنا كثير مع انه مزدحم + الويترز كلهم مبتسمين ونشيطين ومحترمين وموجودين طول الوقت لمساعدتنا وتلبية رغباتنا... الاكل لذيييذ جدًا ١٠/١٠ لكن الاطباق كبيرة صراحه والكمية كثيرة ف يفضّل تاكلون شخصين بنفس الصحن وما تكثّرون طلبات... المطعم مافيه بارتشن، والميوزك صاخبة ومزعجه الصوت عالي هذا عيبه الوحيد حتى طلبناهم يخفضون الصوت وقالوا بنحاول ونكلم المدير لكن ما تغير شيء... انصح بزيارته ✔️

 ذهبنا هناك للاحتفال بذكرى عيد ميلاد. طلبنا عدة أطباق. الدجاج بالبرتقال كان لذيذ و مميز. السالمون كان جيدا لكن ينقصه بعض الملح.البرجر النباتي كان جيدا أيضا. دمپلنغ الدجاج كان لذيذ. دجاج بالپارميزان(جيد).العصيرات جيدة. للتحلية طلبنا 5 أنواع من التشيز كيك. نكهة الكراميل الملح كانت لذيذة أما السينابون و البراوني مع زبدة الفول السوداني كانتا عاديتين جدا. نكهة الليمون جيدة. المفضلة عندي هي نكهة الأوريو(أنصح فيها بشدة👌🏼).

الأسعار مرتفعة، طاقم العمل لطيف للغاية. التجربة بشكل عام كانت ممتعة

 طلبت لاول مره من هذا المطعم عن طريق هنقرستيشن .. بطاطس مهروسة وباستا بالدجاج المشوي والريحان ودجاج وربيان بانغ بانغ .. للامانه الاكل لذيذ ومرتب والكميه كبيره ماشاء الله .. فقط الرز كان مطبوخ بزياده ومتكتل < ممكن هذي طريقتكم في الطبخ !؟   ... ممكن تنصدمون اني اعطيتكم تقييم سيء من قبل افتح الطلب واجرب الاكل وذلك بسبب التاخير الكبير في تسليم الطلب للمندوب .. الطلب وصلني بعد ساعه وربع او اكثر .. اتمنى تنتبهون لهالنقطه فقط .. وباذن الله ماراح تكون تجربتي الاولى معكم .. نفسي اجرب قائمة الافطار والحلويات كذلك .. شكرا لكم .

 زيارتي لهم وقت الغداء للامانه مادري ان عندهم اسعار للغداء جميله يومياً للساعه ٥ العصر فيه عروض للغداء باسعار مناسبه جربت عندهم باستا دفنشي لذييذه وسلطة بالفول السوداني ناسي اسمها لكن جداً جميله وجبن موزريلا مقلي وختمناها بحلى تشيز كيك سولتد كراميل للامانه اتعب وانا اقول الذ كيكة سولتد جربتها وعجبني موهيتو الباشن فروت فيه جلسات داخليه انا جلست بالجلسات الخارجية حلوه

ذا تشيزكيك فاكتوري
ذا تشيزكيك فاكتوري

ذا تشيزكيك فاكتوري
ذا تشيزكيك فاكتوري

ذا تشيزكيك فاكتوري
ذا تشيزكيك فاكتوري

ذا تشيزكيك فاكتوري
ذا تشيزكيك فاكتوري
الاسمبريد إلكترونيرسالة