بانديمك كافيه مكان مميز حيث يقدم قهوة لا بأس بها جميل زيارة المكان لمره واحدةفقط يميل الكافيه الى الظلام وصخب الليل اكثر من كونه قهوة مختصة مع ذلك هو رائع بإختلافة ..الموسيقى نوعا ماء مرتفعة يتميز بفكرته الجميله والمختلفة عن الكثير من الكافيهات في مدينة الرياض التي اصبحت تتشابه بعضها البعض لكن كافيه باندميك اتى بفكرة مدهشه وجميله من ناحية الديكورات تجعله متميز ومختلف
منيو كوفي بانديمك
يقدم كافيه بانديمك العديد من المشروبات الباردة والساخنه بالاضافة الى تقديم الموهيتو المنعش والمتنوع حيث يتوفر لديهم اكثر من صنف مختلف كما يقدم بانديمك الحلا مثل المارشيميلو والبارونيز وايضا يقدم القهوة المختصة يمكنكم التعرف على المنيو عبر الصور ادناه
كافيه بانديمك اوقات العمل وموقعهم
اوقات العمل على مدار 24 ساعة يوميا
موقع بانديمك في خرائط جوجل ⇓⇓
بعض التعليقات الايجابية عن كافيه بانديمك ⇓⇓
اتعب وانا اقول مكان مذهلة وحاجه جديده فالرياض .. ماشاء الله تبارك الله .. مكان كبير جدا وطابقين .. والديكورات المذهلة الجديده .. ويوجد عندهم اكثر من نوع للجلسات .. ذهلت جدا بتصميم المحل .. ويوجد عندهم قسم خاص لليع مكائن القهوة وتحضيرات القهوة .. مكان جميل وتجربه كانت اجمل لن تنسى .. المكان تحفة فنية رائعة .. واختيارهم للاغاني موفق جدا ومعطي للمكان جو حلو وجميل .. كان طلبي عندهم فلات وايت قهوتهم فالمخ للامانه .. يستحق التجربة واعادة الزيارة
⇎⇎⇎⇎⇎
ما شاء الله المكان جداً جميل .. كذب اللي يقولون صوت الموسيقى مزعج أنا أشوفها شي راقي و مناسبة للديكورات .. ملاحظتي فقط على كوب القهوة مرة صغير .. الحلى أتعب و أنا أقول لذييييييييييييييذ🤦🏻♀️🥰كأني أكل غيمه مو كيكة من الطعامة 🙏🏻🙏🏻🙏🏻🙏🏻🙏🏻تعامل الموظفين يستحق الشكر مرة متعاونين و روحهم جميلة و الأسعار ممتازة مناسبة لحجم الحلى .. لي عودة بإذن الله و أجلس أتقهوى عندهم
⇎⇎⇎⇎⇎
بالعاده انقص نجمه للاماكن اللي تصدح بالموسيقى لانهم مايراعون الذوق العام لكن هالمقهى عجبني بكل تفاصيله من بداية البوابه الاسم الشعار ... الديكوريشن غريب لكن متناسق ورائع ... انا رحت له صباح كان شبه فاضي فماادري ابد عن جوه في الليل او الاشكال اللي تجيه ...القهوه مررره عجبتني موزونه وعندهم قسم للقهوه المقطره جربت دي لتشي وبيساشيو حار مره لذيذ وبوليت بارد حالي مره ... فيه ملاحظه رائحة المكان اظن حاطين ديفيوزر للعطور وانا من الناس اللي يجيهم غثيان من ريحة بعض العطور مع ريحة القهوه ليتهم يكتفون برائحة القهوه
⇎⇎⇎⇎⇎
طلبت شوكولاته ساخنة ولما رحت استلمها قالوا مافي لكن اختر وش ودك بديل عنها وبدون فارق السعر واعطوني اقتراحات للي موجود عندهم واخذت قهوة بالفانيلا طعمها صراحة صدمني من قوة ما انه لذيذ ججججداً حبيتها مرررة ناهيك اصلاً عن تعاملهم الراقي
فعلاً شكراً لكم تجربة اعتقد أنه لازم أكررها خصوصاً وانه مفتوح 24 ساعة.
⇎⇎⇎⇎⇎
المكان حميمي وديكورات مبتكره ومتناسقه وموسيقى شبه صاخبه لكن المميز فيه يوجد قسم للعوائل مكان للمتعه اكثر من ان يكون مكان هادئ لشرب القهوة والعاملين اغلبهم سعوديون وبشوشين والميزة ان الاطباق تجهز عند الطلب طازجة
⇎⇎⇎⇎⇎
مكان عجيييب وربي من احسن الاماكن اللي زرتها بالرياض و اتمنى انه يفتح فرع بالكويت 🥺 لانه مررره اسطوري بدون مبالغه و الموظفين يعني مشاءالله محترفين واخلاقهم عسسل و سرعة بتفيذ الطلب انا اقول اكبر مكاسب الرياض والله هذا الكافيه و اتمنى يجي الكويت بأقرب وقت 🖤🇸🇦
⇎⇎⇎⇎⇎
المكان توحفه مختلف مافيه مكان زيه بالرياض وكل ماله يسير احسن بعد الخدمة قمه الذوق و الرقي حريصين جدا على رضى العميل يسالون ايش ملاحظاتنا بصراحه أعطيه عشره على عشره 👍🏻
⇎⇎⇎⇎⇎
جيتكم فترة الظهر ماشاء الله المكان مو مزحوم بس طلاب يذاكرون و هدوء جميل بدون موسيقا عجبتني واجهة الكوفي و الالوان من الداخل و اللون الوردي مع البني مرةً جميل مكان متعوب عليه القهوة شوي ثقيلة للي ما تعود عليها لكن تعدل الراس
⇎⇎⇎⇎⇎
مكان ممتاز بس المشكله العوئل غير معزول عن الكاشر وشباب وثاني شي الاغاني حتي وقت الصلاه شغاله ياليت من صاحب المحل يعمل حل لها اقل القليل اوقات الصلاه يتم اطفائها فقط اما بنسبه للمحل ممتاز ونضيف وتعامل بس ياليت حل للموسيقي وقت الصلاه فقط وشكرا
⇎⇎⇎⇎⇎
المحل يونس ويفتح النفس الصراحه، وطريقه الطلب جدااا حلوو لدرجه اني ما امداني ادفع المبلغ للكاشير إلا والا والطلب قدامي♥️♥️♥️ ديكور المحل ينسيك وين انت فيه اصلا. والحلو من كذا الموظفين سعوديين♥️♥️♥️♥️♥️♥️ اشكركم على تعاملكم معي وعلى القهوى وعلى كل شي♥️♥️♥️
⇎⇎⇎⇎⇎
مكاان مرره حلو .. وشبابي وعصري .. والقائمين عليه سعودين .. اهنيهم صراحه لأن فكرتهم وتنفيذهم تحفه ... في بعض النقاط عليهم اللي هي عدم توافر الطاولات للجلوس .. ولكن اظن انهم بيتخطون هذي المشكلة بسهوله .
⇎⇎⇎⇎⇎
تحديث بعد تعليق سابق،
انا كنت ارفع لهم القبعه ... الحين بوقف معها احترام بعد...
اليوم كان رابع يوم من نزل منيو الفطور حقهم،
حقيقه كامل من كل المقاييس ...
شكل، اخراج، دقة، نظافة والاهم من هذا كله طعم وجودة وسعر ...
وميزة الفطور عندهم يكون معه مشروب مجاني يا قهوة سودا او شاهي والطبق مشبع جدا ...
للامانه الذ بوراتا ذقتها الى الان... اللي يحب نفسه لازم يكافئها بفطور عندهم
مكان مميز خدمة رائعه اطباق شهية ولذيذة تحتار وش تختار
تعامل الموظفين راقي جدا ولطيف...
" باندمك "... احترامي لكم، تميزتو واصبحتو الاروع
وتسلم يدين الشيف والله 😋😋
———————————-
ارفع لهم القبعه حقيقة...
مشروع سعودي متكامل قائم عليه شباب سعودين من فكره وتصميم وابداع يشكرون عليه
انا احب اروح له وقت مايكون ذروه لاني استمتع بجلستهم الجميلة ومكانهم الرائع
تصاميم الكوفي فريدة جدا ومميزة مريح للنفس والعين
استمتع بالقراءة هناك في الصباح
جربت عندهم حلا البستاشيو مع الحلاوه اتوقع كانت لذيذه مررره وقهوتهم جميلة ايضا انا عادة قهوتي لاتيه لكن اللي معي وجرب السجنتشر والسولتد والبستاشيو عجبتهم
⇎⇎⇎⇎⇎
من الأماكن التي نالت اعجابي
الديكور والاجواء
والباريستا
والمسؤل عن الحلا في البلوره اللي داخل كان لطيف سألني عن الحلا ورغبات الاضافات عليه و وضح انه يحتوي ع انواع مكسرات ممكن تسبب حساسيه للبعض
و سالني لو هي اول مره ورايي في الخدمه لو كنت اعرف اسمه شكرته هنا شخصيا خصوصا انه سعودي 💕
طلبنا كان سولتد كراميل
و لاتيه
وسبانش لاتيه
و حلا طحينيه ب البستاشيو
طريقتهم ٣ اقسام الاول للكميكس والمقطره وراعين الكيف
الثاني انواع القهوه الثانيه
البلوره فيها الحلا تطلب وينزل وقمك عنده داخل ثم تروح تستلمه
⇎⇎⇎⇎⇎
مكان جداً ممتاز ورايق وقهوتهم لذيذة لاكن ما يعجبني سياسة المكان فور جلوسي لشرب القهوة تقدم لي شخص من العاملين هناك وقال بان المكان مخصص لجلوس العائلات الى متى عائلات عائلات حتى لو كان معي عائلة ماراح اروح هناك مرة ثانية...🙂
⇎⇎⇎⇎⇎
قهوتهم لذيذه فيها نكهه تجنن صحيح غالي ياليت ينزل من الأسعار بس ربي يوسع برزقه قهوه لذيذه من جد سولتد كراميل حار او بااارد لذييذ عشق القهوه فيها نكهه مميزه جدا والكوفي من حوا ديكورات مميزه
⇎⇎⇎⇎⇎
بصراااحه هذا تحفه فنيه ، متحف عظيم يستحق الزياره ، حرفياً صووّرت كل زاويه فيه ولازال بخاطري اصوّر اكثر واكثر ، جممممماااال لأبعد حد ، واخلاق الموظفين راقيه عكس اللي مكتوب في التعليقات ، صوت الموسيقى صاخب لكن اعتقد ديزاين الكوفي مناسب لفئه عمريه معينه .